२३ फाल्गुन २०७७, आईतवार

२६ वाणिज्य बैंकले घोषणा गरे लाभांश, सेन्चुरीले मात्र लाभांश घोषण गर्न वाँकी

आर्थिक सञ्जाल
२२ पुष २०७६, मंगलवार ०९:४६

 

काठमाडौं । २८ वाणिज्य बैंक (अहिले घटेर २७) मध्ये २६ वटाले लाभांश घोषणा गरेका छन् । ती मध्ये केहीले बार्षिक साधारणसभा गरेर धमाधम शेयरधनीको खातामा रकम पठाइरहेका छन् । केही बैंकले भने वार्षिक साधारणसभा गर्दैछन् । अहिले पनि सेन्चुरी बैंकले लाभांश घोषणा घोषणा गरेका छैन् । उसले पनि लाभांश घोषणा गर्ने तयारीमा रहेको छ । पुस मसान्त भित्र वार्षिक साधारणसभा गरिसक्नु पर्ने भएकाले पनि धेरै जसो बैंकले लाभांशत घोषणा गरेर लाभांश वितरण गरिरहेका छन् । केही वाणिज्य बैंकले साधारणसभा गर्ने तयारीमा गरिरहेका छन् ।

नेपाल राष्ट्र बैंकले वाणिज्य बैंकहरुलाई तोकेको न्यूनतम चुक्ता पुँजी ८ अर्ब पु¥याए पनि नगद लाभांशसँगै बोनस शेयर दिइरहेका छन् । चुक्ता पुँजी ८ अर्ब पु¥याउनु पर्ने बाध्यता हुँदासम्म बोनस शेयर वितरण गर्दै आएका बैंकहरुले यसपालीदेखि नगदसँगै केही मात्रमा बोनस शेयर दिएका छन् । अहिलेसम्म लाभांश घोषणा गरेको २६ वाणिज्य बैंकमध्ये धेरैजसोले नगद बढी र बोनस कम वितरण गर्दै छन् । मेगा बैंक, सिभिल र स्टयाडर्ड चार्टर्डले त यसपाली नगद लाभांश मात्र वितरण गर्दैछन् । उक्त बैंकहरुले यस वर्ष बोनस सेयर दिएनन् ।

गत वर्षभन्दा यो वर्ष बढाएर लाभांश घोषणा गरिरहेका छन् । अधिकांश बैंकले अघिल्लो आर्थिक वर्ष भन्दा गत आर्थिक वर्षमा नाफा बढी कमाएका कारण लाभांश दर पनि बढाएका हुन् ।

लाभांश घोषणा गर्न बाँकी सेन्चुरी बैंकले पनि सञ्चालक समितिमा लाभांश कति दिने भन्ने बारेमा छलफल गर्न थालेको छ । यसअघिका वर्षमा जस्तै यस वर्ष पनि बैंकहरूबीच लाभांश कसले बढी वितरण गर्ने भन्ने प्रतिस्पर्धा नै भयो ।

बर्षेपछि नेपाल बैंकले २५ प्रतिशत लाभांश दिने घोषणा गरेपछि शेयर बजारमा एउटा तरंग नै आयो । यस वर्ष नेपाल बैंकले राम्रो लाभांश दिँदै छ भन्ने सन्देश पहिलेदेखि नै बजारमा फैलिएको थियो ।
लगानीकर्ताले सोचे अनुसार नै नेपाल बैंकले लाभांश दिने निर्णय गरेको छ । तर, लगानीकर्ताले सोच्दै नसोचेको ३५ प्रतिशत लाभांश एनएमबी बैैंकले दियो । यसले त बजारमा तहल्का नै मच्चाउने काम ग¥यो ।
एनएमबी बैंकले अहिले जति लाभांश घोषणा गरेको छ । त्यति लाभाशं अन्य कुनै वाणिज्य बैंकले घोषणा गर्न सकेनन् । बजारमा एक छत्र कायम गरेको हल्ला फैलाएका नबिल, स्टायण्डर्ड चार्टर्ड, एभरेष्ट बैंकलाई पछि पार्दै एनएमबी बैंकले उच्च लाभांश वितरण गर्ने प्रस्ताव ग¥यो । नयाँ बैंकले पुराना बैंकलाई उछिनेर लाभांश घोषणा गरेको यो पहिलो पटक हो । यसले के देखाउँछ भने नयाँ बैंक एग्रेसिभ रुपमा अगाडि बढेका छन र पुराना बैंक सुस्ताउन थालेका छन् ।
लाभांश घोषणा गर्न बाँकी सेन्चुरी बैंकलाई लाभांश बढी वितरण गर्न दवाव सिर्जना भएको छ । राष्टिय वाणिज्य बैंक भने सरकारी स्वामित्वको भएकोले सर्वसाधारणलाई सेयर जारी गरेको छैन् ।

बैंक                                               बोनस सेयर                               नगद लभांश
एनआइसी एशिया बैंक                                १०                                            ११.०५
सानिमा बैंक                                             १०                                             ११.०५
बैंक अफ काठमाण्डू                                  ६ ११
माछापुच्छे बैंक                                          ५ ११
सिटिजन्स बैंक                                          ३                                               १२
कुमारी बैंक                                              १०                                              ०.५२
ग्लोबल आइएमई बैंक                               १२.७५                                         १२.७५
नेपाल एसबिआई बैंक                                 ६                                              १०.८४
मेगा बैंक                                           नगद मात्र                                          ११.७५
जनता बैंक                                               ६                                                ६
सनराइज बैंक                                                                                           १० ५.८
सिद्धार्थ बैंक                                            १०                                              १५.२६
प्रभु बैंक                                                 १६                                                  ०.८४
नबिल बैंक                                              १२                                              २२
नेपाल बंगालादेश                                       ५                                                 ७
लक्ष्मी बैंक                                              १०                                                  ५
स्टयाण्डर्ड चार्टर्ड                                  नगद मात्र                                         २२.५०
एभरेष्ट बैंक                                              ५                                                २०
सिभिल बैंक                                        नगद मात्र                                           ६.५७
नेपाल बैंक                                             १५                                                 १०
एनएमबी बैंक                                         २१                                                 १४
हिमालयन बैंक                                       १०                                                  १२
नेपाल इन्भेष्टमेन्ट बैंक                             १०.५                                                  ८.५
कृषि विकास बैंक                                    ६                                                  २४
प्राइम कमर्शियल बैंक                            १६
एनसिसि बैंक                                       १५                                                   ०.७८
लाभांश घोषणा गर्न बाँकी बैंक सेन्चुरी बैंक