१० बैशाख २०७८, शुक्रबार

अवैध लागूऔषध सहित पक्राउ

आर्थिक सञ्जाल
८ मंसिर २०७६, आईतवार १६:३३

 

काठमाडौं महानगरपालिका महाराजगंजस्थित सडक किनारबाट नियन्त्रित लागूऔषध १ सय एमएलको डाइलेक्स डिसी १० बोतल,  नगद ३५ हजार रुपैयाँ र प्रदेश ३(०२(००८ प ६०१६ नम्बरको स्कुटर सहित २ जनालाई शुक्रबार दिउँसो प्रहरीले पक्राउ गरेको छ । पक्राउ पर्नेहरुमा सर्लाही लालबन्दी नगरपालिकाका  सुगम अमात्य र महोत्तरी बर्दिबास नगरपालिकाका सचिन कुमार खनाल रहेका छन्  । साथै उक्त घटनाको अनुसन्धान गर्ने क्रममा काठमाडौंको सिनामंगल गैरीगाउँबाट थप ३ जनालाई नियन्त्रित लागूऔषध १ सय एमएलको डाइलेक्स डिसी ५३ बोतल र नाइट्राजेपाम नाईट्राभेट ३० ट्याब्लेट सहित गत शुक्रबार साँझ  प्रहरीले पक्राउ गरेको छ । पक्राउ पर्नेहरुमा महमद मेराज, देश यादव र काभ्रेपलाञ्चोकका  सोना भन्ने सक्कली माया डिमडुग स्या रहेका छन् । लागूऔषध नियन्त्रण ब्यूरो कोटेश्वरबाट खटिएको प्रहरीले उनीहरुलाई पक्राउ गरेको हो । उनीहरु उपर लागुऔषध कारोबार मुद्दामा थप अनुसन्धान गरिरहेको उक्त ब्यूरोले जनाएको छ ।